Նոր աղմկահարույց միջադեպ թուրք–սիրիական սահմանին. կրքերը թեժանում են
Թուրքական բանակը հրետակոծել է Սիրիայի Իդլիբ նահանգում գտնվող սիրիական բանակի հրետանային կայանները, որոնցից արձակված արկերը հասել էին Թուրքիայի տարածք և դարձել 5 մարդու մահվան պատճառ: Այս մասին, «ՌԻԱ նովոստի»–ի փոխանցմամբ, հաղորդում է թուրքական «NTV» հեռուստաալիքը:
«ԻՏԱՌ–ՏԱՍՍ»–ի փոխանցմամբ՝ ՆԱՏՕ-ի խորհուրդը պաշտոնական հաղորդագրություն է տարածել, որում նշվում է, որ այդ կառույցը «ամբողջությամբ աջակցում է Թուրքիային և Սիրիայից պահանջում է անմիջապես դադարեցնել Անկարայի դեմ ուղղված ցանկացած ագրեսիվ գործողություն»։
Թուրք- սիրիական սահմանի մոտակայքում գտնվող Թել Աբիաթ սահմանային կետի համար պայքարը Սիրիայի կառավարական զորքերի և զինյալ ընդդիմության միջև շարունակվում է։ Հենց այդ բախումների ընթացքում արձակված ռումբն էլ հատել է սահմանը՝ հասնելով թուրքական գյուղին։ Աքչաքալեի շրջանի ղեկավար Աբդուլհաքիմ Այհանը տեղեկացրել է, որ ռումբն ընկել է մի տան վրա։
Նշենք, որ Ավելի վաղ Թուրքիայի արտգործնախարար Ահմեթ Դավութօղլուն հայտարարել էր, թե թուրք-սիրիական սահմանին ահաբեկչության կամ այլ վտանգի դեպքում իրենք պատրաստ են դիմել ցանկացած քայլի:
Ավելացնենք, որ նշված միջադեպի կապակցությամբ ՄԱԿ–ի գլխավոր քարտուղար Պան Գի Մունը Անկարային կոչ է արել խուսափել Դամասկոսի հետ հարաբերությունների լարումից։
Թուրքական տարատեսակ ԶԼՄ-ների հաղորդմամբ՝ Թուրքիայի ԱԳՆ-ում կայացած արտակարգ հանդիպման ժամանակ գործողությունների զանազան տարբերակներ են քննարկվել, այդ թվում՝ Սիրիայի սահմանին ժամանակավոր անվտանգության գոտու ստեղծման վերաբերյալ սցենարը:
Նոր աղմկահարույց միջադեպ թուրք–սիրիական սահմանին. կրքերը թեժանում են
Թուրքական բանակը հրետակոծել է Սիրիայի Իդլիբ նահանգում գտնվող սիրիական բանակի հրետանային կայանները, որոնցից արձակված արկերը հասել էին Թուրքիայի տարածք և դարձել 5 մարդու մահվան պատճառ: Այս մասին, «ՌԻԱ նովոստի»–ի փոխանցմամբ, հաղորդում է թուրքական «NTV» հեռուստաալիքը:
«ԻՏԱՌ–ՏԱՍՍ»–ի փոխանցմամբ՝ ՆԱՏՕ-ի խորհուրդը պաշտոնական հաղորդագրություն է տարածել, որում նշվում է, որ այդ կառույցը «ամբողջությամբ աջակցում է Թուրքիային և Սիրիայից պահանջում է անմիջապես դադարեցնել Անկարայի դեմ ուղղված ցանկացած ագրեսիվ գործողություն»։
Թուրք- սիրիական սահմանի մոտակայքում գտնվող Թել Աբիաթ սահմանային կետի համար պայքարը Սիրիայի կառավարական զորքերի և զինյալ ընդդիմության միջև շարունակվում է։ Հենց այդ բախումների ընթացքում արձակված ռումբն էլ հատել է սահմանը՝ հասնելով թուրքական գյուղին։ Աքչաքալեի շրջանի ղեկավար Աբդուլհաքիմ Այհանը տեղեկացրել է, որ ռումբն ընկել է մի տան վրա։
Նշենք, որ Ավելի վաղ Թուրքիայի արտգործնախարար Ահմեթ Դավութօղլուն հայտարարել էր, թե թուրք-սիրիական սահմանին ահաբեկչության կամ այլ վտանգի դեպքում իրենք պատրաստ են դիմել ցանկացած քայլի:
Ավելացնենք, որ նշված միջադեպի կապակցությամբ ՄԱԿ–ի գլխավոր քարտուղար Պան Գի Մունը Անկարային կոչ է արել խուսափել Դամասկոսի հետ հարաբերությունների լարումից։
Թուրքական տարատեսակ ԶԼՄ-ների հաղորդմամբ՝ Թուրքիայի ԱԳՆ-ում կայացած արտակարգ հանդիպման ժամանակ գործողությունների զանազան տարբերակներ են քննարկվել, այդ թվում՝ Սիրիայի սահմանին ժամանակավոր անվտանգության գոտու ստեղծման վերաբերյալ սցենարը: