Երևանի արդեն նախկին փոխոստիկանապետ Ռոբերտ Մելքոնյանը ֆեյսբուքյան իր էջում իր մտորումներն է հաղորդել՝ գրելով.

«Առանց այն էլ մի մեծ կարծիք չունեի մեր հասրակության մասին, հիմա ավելի հիասթափվեցի...
Ես գիտեմ, որ շատերն ընդդիմադիր են աշխատում, իշխանամետ կամ զիբիլամետ միայն պաշտոնի, իշխանության եւ լծակներ ձեռք բերելու համար: Գնահատման չափանիշներ, արժեհամակարգ է ձեւավորվել, որը գնալով ավելի զզվելի եւ անտանելի է դառնում:
Ես հիմա չեմ մեղադրում այդ մարդկանց, որովհետեւ հասարակությունը, մարդիկ են ստիպում նման հարաբերությունների ձեւավորմանը: Երբ մեկը պաշտոն է ստանում, մենք ուրախանում ենք ոչ թե նրա համար, որ նա գնահատվել առաջ է քաշվել, այլ նրա համար, որ այդ պաշտոնը, այդ նշանակումն ինչ-որ բան կտա մեզ...