«Պետք է գիտակցենք, որ հարկահավաքման խնդիրը միայն պետական եկամուտների կոմիտեի խնդիրը չէ։ Մեր գերատեսչությունները շատ անտարբեր են այս խնդրի հանդեպ, և եթե մի որևիցե ձեռնարկություն, որը գտնվում է այս կամ այն գերատեսչության ենթակայության ներքո, չվճարի հարկերը, դրան շատ հանգիստ են նայում գերատեսչության ղեկավարները։ Սա անընդունելի մոտեցում է»,- ասել է Տ. Սարգսյանը։  Այդ գերատեսչությունների շարքում վարչապետը նշել է առողջապահության նախարարությունը, գյուղատնտեսության ոլորտը, որտեղ կան վերամշակող խոշոր ձեռնարկություններ, տրանսպորտի և կապի ոլորտը, շինարարության ոլորտը։ Նա կարծիք է հայտնել, որ կառավարության առջև կանգնած համար մեկ խնդիրը պետական եկամուտների կոմիտեին օժանդակելն է։