Համաձայն 2012 թվականի  դեկտեմբերին Վրաստանի  խորհրդարանի կողմից ընդունված   համաներման  մասին օրենքի` այսօր, ևս 190 բանտարկյալների հետ միասին, կալանավայրից  ազատվել են   Աջարիայի հայ համայնքի հայտնի գործիչներ Արմեն Գևորգյանը և Ռուբեն Շեկոյանը: Հարազատների և ընկերների ուղեկցությամբ նախկին քաղբանտարկյալներն ուղևորվել են Հավլաբարի Սուրբ Էջմիածին եկեղեցի, որտեղ նրանց դիմավորել է Վիրահայոց թեմի առաջնորդ Գերաշնորհ Տեր Վազգեն եպիսկոպոս Միրզախանյանը:

2010 թվականի հոկտեմբերին Արմեն Գևորգյանին և Ռուբեն Շեկոյանին, կեղծ մեղադրանքներով, ձերբակալել և առանց հիմնավոր ապացույցների դատապարտել էին 11 տարվա ազատազրկման:

Ինչպես արդեն հայտնել էինք, մոտ ժամանակներում սպասվում է նաև  հայազգի մեկ այլ քաղաքական գործիչ, քաղբանտարկյալ  Վահագն Չախալյանի ազատումը: