«Aravot.am»–ը գրում է, որ Սեւանում Րաֆֆի Հովհաննիսյանի հանդիպումից հետո քաղաքապետ Ռուդիկ Ղուկասյանի հետ հայտնի միջադեպի ժամանակ մի սեւանցի աղջիկ, լսելով, որ քաղաքապետն ասում է, թե Սեւանը ընտրել է Սերժ Սարգսյանին, ուղիղ նրա երեսին շպրտեց.

«Ոչ, սուտ է, մի կեղծարար էլ դուք եք»։

Քաղաքապետը հենց զրույցի ժամանակ ճշտեց՝ ո՞վ եք դուք, սեւանցի՞ եք: Աղջիկն էլ պատասխանեց. «Պետք չի` դուք իմանաք ով եմ ես, բայց ես գիտեմ, որ դուք կեղծել եք ընտրությունները: Ես դիտորդ եմ եղել, ես տեսել եմ ոնց եք կեղծել»:

«Aravot.am»-ի տեղեկություններով՝  այս խոսքերը սեւանցու՝ Աստղիկ Ղազարյանի վրա թանկ են նստել: Միջադեպից հաշված օրեր անց աղջկան կանչել են ոստիկանություն՝ զրպարտության համար: Այժմ նախաքննություն է ընթանում եւ աղջկան հորդորել են բացատրություն գրել: Վերջինս դա առայժմ չի արել առանց փաստաբանի: