ՀՀ տարնսպորտի և կապի նախարարությունում հունիսի 29-ին Հայաստանի և Ավստրիայի կառավարությունների միջև ստորագրվեց  միջազգային բեռնափոխադրումների մասին համաձայնագիր: Հայկական կողմից փաստաթուղթը վավերացրեց ՀՀ ՏԿ նախարարի առաջին տեղակալ Հրանտ Բեգլարյանը, իսկ ավստրիական կողմից՝ Ավստրիայի տրանսպորտի նորարարությունների և տեխնոլոգիաների դաշնային նախարարության ավտոմոբիլային տրանսպորտի և ավիացիայի հարցերով գլխավոր տնօրեն Պիտեր Ֆրանցմայերը:

Ստորագրված համաձայնագրով կողմերը նախատեսում են  երկու երկրների միջև  իրականացնել կանոնավոր և ոչ կանոնավոր միջազգային ավտոտրանսպորտային փոխադրումներ, ինչպես նաև տարանցիկ փոխադրումներ՝  կողմերից մեկի կամ երրորդ երկրի միջև:

ՀՀ տրանսպորտի և կապի նախարար Գուրգեն Սարգսյանը  ողջունելով համաձայնագրի վավերացման փաստը նշեց, որ օրը պատմական է, քանի որ  այն անցել է քննարկման տևական շրջան: Գ.Սարգսյանը միաժամանակ փաստեց, որ Հայաստանի օրենսդրությունը  բավարար է առանց բարդությունների իրականացնելու երկկողմ բեռնափոխադրումներ: Նախարար Գ. Սարգսյանի խոսքերով,  համաձայնագրի ստորագրումը ազդարարում է մի նոր գործակցության սկիզբ:

Ավստրիական պատվիրակության ղեկավարը նշեց, որ այս համագործակցությունը  հետագայում  կթևակոխի նոր փուլ և  կնպաստի երկու երկրների միջև  իրականացվող բեռնափոխադրումների զարգացմանը:

ՀՀ տրանսպորտի և կապի նախարարության հասարակության հետ կապերի բաժին