Հայկական պատվիրակությունը Ստրասբուրգ է տարել 6 շիշ կոնյակ՝ իրենց տուփերով և երեք նկար։ Այդ մասին հայելի ակումբում լրագրողներին ասել է ԵԽԽՎ–ում հայկական պատվիրակության ղեկավար Դավիթ Հարությունյանը։

«Դա բնական դիվանագիտական պրակտիկա է։ 11 հանդիպում է եղել, որոնցից 6–ի դեպքում կոնյակ է նվիրվել, 3–ի պարագայում՝ նկար, 2–ի պարագայում՝ ոչինչ»,– թվարկել է Դավիթ Հարությունյանը։

Մյուս մեղադրանքներին, որ հնչեցվել էին հայկական պատվիրակության հասցեին, Դավիթ Հարությունյանը չի պատասխանել, հայտարարելով, որ «քննադատողները չափն անցել են»։