Առանձնապես մտքի դանդաղ աշխատանք ունեցողներին ուզում եմ ասել, որ ընդդիմություն է համարվում այն ուժը, որը գործադիր իշխանությունում չունի լծակներ, իսկ գործադիր իշխանությունում լծակներ ունենալու դեպքում որևէ ուժ չի կարող լինել ընդդիմություն, քանի որ նա չի կարող և՛ որոշումներ կայացնել, և՛ միաժամանակ ընդդիմանալ իր կայացրած որոշումներին: Այստեղ հարցը այն չէ, թե ընդդիմությունը լավն է կամ վատը, պարզապես պետք է հասկանալ` տվյալ ուժը ընդդիմությո՞ւն է, թե՞ ոչ։ Նույնն էլ իշխանության պարագայում՝ պարզապես պետք է ֆիքսվի, որ եթե որևէ ուժ իշխանություն է, ապա երկրում տվյալ պահին տեղի ունեցող և լավ ու վատ երևույթների համար, եթե չասենք ամբողջ, ապա գրեթե ամբողջ պատասխանատվությունը ընկած է իր վրա...