Մարտի 29-ի ժամը 11։51-ին ահազանգ է ստացվել, որ Երևանյան լճի ափին՝ ԱՄՆ դեսպանատան մոտ, այրվում է եղեգնուտ:

Դեպքի վայր է մեկնել մեկ մարտական հաշվարկ և ԱԻ արձագանքման խումբը: Հրդեհը մեկուսացվել է ժամը 12։53-ին, մարվել` 13։14-ին:

     Այրվել է 2 հա եղեգնուտ:

***

Նույն օրը՝ ժամը 23։42-ին, տեղեկություն է ստացվել, որ Քաղսի գյուղում այրվում է պահեստավորված անասնակեր:

      Դեպքի վայր է մեկնել երեք մարտական հաշվարկ: Հրդեհը մեկուսացվել է ժամը 00։34-ին:

      Ս. Դավթյանին պատկանող տան մոտ այրվել է մոտ 3000 հակ անասնակեր:

***

Մարտի 30-ի ժամը 17.19-ին ահազանգ է ստացվել, որ Հրազդանի կիրճում` Դավթաշենի կամրջի մոտ, այրվում է խոտածածկ տարածք:

Դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 18։15-ին, մարվել` 18։40-ին:

Այրվել է բուսածածկ տարածք` մոտ 3000 քմ մակերեսով:

***

Մարտի 31-ի ժամը 13։24-ին ահազանգ է ստացվել, որ Գեղարքունիքի մարզի Վարդենիս քաղաքում այրվում է անասնակեր:

Դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 14։11-ին, մարվել` 15։45-ին:

Ա. Գալստյանին պատկանող թիվ 121 տան բակում այրվել է 250 հակ պահեստավորված անասնակերը:

***

Մարտի 31-ի ժամը 18"49-ին ահազանգ է ստացվել, որ Երևանի Ներքին Չարբախ թաղամասում` Հրազդան գետի ափամերձ տարածքում, այրվում է խոտածածկ տարածք:

Դեպքի վայր է մեկնել մեկ մարտական հաշվարկ:

Պարզվել է, որ հրդեհը բռնկվել է Վերին Չարբախի 6-րդ փողոցի մոտ: Հրդեհը մեկուսացվել է ժամը 19։24-ին, մարվել 20։23-ին:

Այրվել է 1500 քմ մակերեսով բուսածածկ տարածք և գոմաղբ: