Ի պատասխան ՀՀ ԱԺ պատգամավոր Ստյոպա Սա‎ֆարյանի՝ լրատվամիջոցներին տրամադրած նամակի՝  տեղեկացնում ենք, որ ՀՀ ԱԺ նախագահի գլխավորած պատվիրակությունները  կազմվում են ոչ սովորական ընթացակարգով, ուստի  Ֆրանկո‎‎ֆոնիայի խորհրդարանական վեհաժողովի նստաշրջանի  աշխատանքներին մասնակցելու նպատակով Ֆրանսիա մեկնող ՀՀ ԱԺ նախագահի գլխավորած պատվիրակության կազմում ընդգրկված են  միայն ՖԽՎ-ում ԱԺ պատվիրակության ղեկավար Արմեն Ռուստամյանը (ՀՅԴ) և պատվիրակության անդամ Արմեն Մելիքյանը (ԲՀԿ), ով միանալու է պատվիրակությանը Փարիզում: Պատվիրակության կազմում ընդգրկված  չեն ոչ միայն Ստյոպա Սա‎‎ֆարյանը («Ժառանգություն»), այլև  ՖԽՎ-ում ԱԺ պատվիրակության անդամներ Արա Բաբլոյանը (ՀՀԿ) և Հովհաննես Մարգարյանը (ՕԵԿ): Իսկ ինչ վերաբերվում է պատվիրակության քարտուղար Ալիսա Մարտիրոսյանին, ապա նա հունիսի 28-ից հուլիսի 2-ը ԵԽ միջոցների հաշվին գործուղվել է Ստրասբուրգ, որտեղ մասնակցում է «Երիտասարդության օրակարգը ԵԽ գործունեության մեջ» սեմինարին: Տիկին Մարտիրոսյանը նույնպես կմիանա պատվիրակությանը Փարիզում: Ուզում ենք նշել նաև, որ Հայաստանը ՖԽՎ-ի աշխատանքներին մինչ այժմ մասնակցում է դիտորդի կարգավիճակով, որը չի նախատեսում ամբողջ պատվիրակության պարտադիր մասնակցությունը ՖԽՎ-ի աշխատանքներին:
Շուտով ԱԺ հասարակայնության հետ կապերի վարչությունը կհրապարակի ԱԺ բոլոր խմբակցությունների գործուղումների մասին տեղեկատվություն:     

ՀՀ ԱԺ հասարակայնության հետ

կապերի վարչություն