Հյուսիսային Կորեան պատրաստ է միջին հեռահարության «Մուսուդան» հրթիռները ցանկացած պահի արձակել։ Ըստ «Ռոսբալտի»՝   երկրի հյուսիսում ԿԺԴՀ–ն մարտական պատրաստվածության է բերել նաև «Սկադ» ու «Նոդոն» տիպի բալիստիկ հրթիռներ, որոնք նշանակետին կարող են հասնել 300-3000 կմ հեռավորության վրա: Հյուսիսային Կորեային հրթիռները սպառնում են Հարավային Կորեային, Ճապոնիային և Գուամ կղզու ամերիկյան ռազմաբազային:

Համաձայն ԿԺԴՀ տարածքը հսկող արբանյակներից ստացվող տեղեկությունների՝  Փհենյանը պատրաստվում է միաժամանակ մի քանի հրթիռ արձակել:

Ինչպես արդեն տըեղեկացրել էինք, ԿԺԴՀ իշխանությունները օտարերկրյա դիվանագիտական առաքելություններին խորհուրդ էին տվել մինչև ապրիլի 10-ը լքել երկրի տարածքը: