Վենեսուելայում հետընտրական կրքերը չեն հանդարտվում։ Նախագահական ընտրությունների պաշտոնական արդյունքները չընդունող ընդդիմության կազմակերպած բազմահազարանոց ցույցերի ժամանակ զոհվել է 7 մարդ։

 Պաշտոնական տվյալներով՝ 61 մարդ ստանցել է տարբեր վնասվածքներ: Երկրի գլխավոր դատախազությունը մեղադրում է ընդդիմությանը։

Հիշեցնենք՝ ըստ Վենեսուելայի Ազգային ընտրական խորհրդի, իշխող ուժերի ներկայացուցիչ Նիկոլաս Մադուրոն հավաքել է ձայների 50,75%-ը: Երկուշաբթի օրը Մադուրոն հռչակվել էր երկրի ընտրված նախագահ: Ընդդիմության թեկնածու Էնրիկե Կապրիլեսը, ով ստացել է ձայների 48,89%-ը, չի ընդունել իր պարտությունը և պահանջել է կատարել ձայների վերահաշվարկ։