«Life News»-ը կադրեր է հրապարակել ՌԴ նախարարների և նահանգապետների հետ նախագահ Վլադիմիր Պուտինի անցկացրած՝ կառավարության փակ նիստից: Հեռուստաալիքի տրամադրության տակ հայտնված տեսաձայնագրությունում Պուտինը քննադատում է Մեդվեդևի կառավարությանը և սպառնում ցրել այն: Մասնավորապես՝ ՌԴ նախագահը քննադատել է վարչապետին, կառավարության անդամներին և մարզերի ղեկավարներին՝ նախընտրական քարոզարշավի ժամանակ տված խոստումները չկատարելու համար: Նա հայտարարել է, որ եթե կառավարությունն ու նահանգապետները գլուխ չհանեն իրենց առջև դրված խնդիրներից, ապա ինքը ստիպված կլինի հրաժեշտ տալ նրանց: