Հուլիսի 2-ին ԵԱՀԿ գործող նախագահ, Հունաստանի արտաքին գործերի նախարար Դորա Բակոյանիսը Ազգային ժողովում հանդիպել է խորհրդարանական խմբակցությունների ներկայացուցիչների հետ: Հանդիպմանը ներկա են գտնվել ԵԱՀԿ երևանյան գրասենյակի ղեկավար, դեսպան Սերգեյ Կապինոսը, ՀՀ-ում Հունաստանի արտակարգ և լիազոր դեսպան  Իոաննիս Կորինթիոսը:

Հանդիպման ընթացքում կողմերն անդրադարձել են ԵԱՀԿ-Հայաստան հարաբերությունների խորացմանը,  հայ-թուրքական հարաբերություններին, ղարաբաղյան հակամարտության կարգավորմանը, տարածաշրջանային անվտանգությանն ու կայունությանը,  Հայաստանի ներքաղաքական իրավիճակին   առնչվող հարցերի: Կարևորվել է  ԵԱՀԿ Մինսկի խմբին դերը ղարաբաղյան հակամարտության խաղաղ կարգավորման գործում:

Հայ խորհրդարանականները հույս են հայտնել, որ ԵԱՀԿ-ում Հունաստանի նախագահության շրջանը նշանակալից կլինի տարածաշրջանի հակամարտությունների հաղթահարման, կայունության հաստատման, երկրներում ժողովրդավարական ինստիտուտների զարգացման, ինչպեն նաև նրանց միջև առավել ցանկալի հարաբերությունների հաստատման համար: