Հանրահայտ դերասան Միխայիլ Բոյարսկին այսուհետ գլխավորելու է ծխողների իրավունքների պաշտպանության համար պայքարողների շարժումը, որը առաջացել է Ռուսաստանում հակածխախոտային օրենքի ընդունումից հետո: Նախաձեռնության ներկայացուցիչները հայտարարել են, թե շարժման գլխավոր նպատակն է «ծխողների համար ապահովել մարդկանց չնվաստացնող կարգին պայմաններ», մասնավորապես` տարբեր տիպի հիմնարկներում հատկացնել հատուկ տեղեր, որտեղ մարդիկ կկարողանան հանգիստ ծխել,  նման տեղեր ստեղծել գնացքներում, օդային և ջրային տրանսպորտում, գաղութներում, հիվանդանոցներում և այլուր: Ակտիվիստները կոչ են անում  ծխողների համար հատուկ ռեստորաններ բացել: 

Շարժման ներկայացուցիչները պնդում են՝ հակածխախոտային օրենքը նպաստելու է հասարակության մեջ հոգեբանական ճնշման աճին: Շարժման ակտիվիստները միաժամանակ  հայտարարել են, որ թեև հակածխախոտային օրենքին դեմ են, սակայն դեմ են նաև, որ հասարակության մեջ  ծխախոտի օգտագործման քարոզչություն տարվի: