Մայիսի 1-ին՝ ժամը 12։44-ին, ահազանգ է ստացվել, որ հրդեհ է բռնկվել Կոտայքի մարզի Չարենցավան քաղաքում գտնվող «Ձուլակենտրոն» գործարանում:

Դեպքի վայր է մեկնել մեկ մարտական հաշվարկ:

Պարզվել է, որ հրդեհը բռնկվել է Մելտոնյան փողոցում գտնվող «Ձուլակենտրոն» ԲԲԸ գործարանում: Հրդեհը մարվել է ժամը 13։54-ին:

Ձուլարանի երկաթե վառարանում` մոտ 30 քմ տարածքում, այրվել են ռետինե խողովակներ:

***

Նույն օրվա ժամը 14։25-ին ահազանգ է ստացվել, որ կրկին հրդեհ է բռնկվել Լոռու մարզի Չարենցավանի Մելտոնյան փողոցում գտնվող «Ձուլակենտրոն» ԲԲԸ գործարանում:

Դեպքի վայր է մեկնել երկու մարտական հաշվարկ: Հրդեհը մեկուսացվել է ժամը 15։08-ին, մարվել 15։24-ին:

Ձուլարանի երկաթե վառարանում այրվել են ռետինե խողովակներ:

***

Նույն օրը՝ ժամը 14։46-ին, ահազանգ է ստացվել, որ Երևանի Ավետիսյան-Սարալանջ փողոցների խաչմերուկում այրվում է ավտոմեքենա:

Դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 14։57-ին, մարվել 15։08-ին:

Պարզվել է, որ հրդեհը բռնկվել է Սարալանջ-Ռիգայի փողոցների խաչմերուկում:

Այրվել է Ռ. Հայրապետյանին պատկանող «Օպել» մակնիշի 35 ՍТ 656 պհ ավտոմեքենայի առջևի հատվածը` անվադողերը և ցուցիչների վահանակը:

***

Նույն օրը՝ ժամը 21։13-ին, ահազանգ է ստացվել, որ Լոռու մարզում` Սպիտակ-Երևան ավտոճանապարհի 6-րդ կմ-ում, այրվում է խոտածածկ տարածք:

Դեպքի վայր է մեկնել մեկ մարտական հաշվարկ: Հրդեհը մեկուսացվել է ժամը 22։02-ին, մարվել 22։12-ին:

Այրվել է մոտ 7000 քմ խոտածածակ  տարածք: