Մայիսի 3-ին ՄԻԿԱ մարզադահլիճում տեղի կունենա Շուշիի ազատագրման 21–ամյակին նվիրված ձյուդոյի հանրապետական մրցաշար՝ պատանիների և դեռահասների տարիքային խմբերում: Մրցաշարին կմասնակցեն Հայաստանի բոլոր ուժեղագույն թիմերը, ինչպես նաև Արցախի թիմը: Հատուկ հրավերով մասնակցում են նաև թիմեր Վրաստանից: Մրցումների բացման հանդիսավոր արարողությունը տեղի կունենա մայիսի 3-ին՝ ժամը 15։00–ին, ներկա կլինեն զինվորական և քաղաքացիական բարձրաստիճան հյուրեր: