Այս պահին խորհրդարանում վարչապետ Տիգրան Սարգսյանը ներկայացնում է ՀՀ կառավարության նոր ծրագիրը։

–Վերջին տարիների ընթացքում փոխվել է աշխարհը և մենք։ Մենք անցնում ենք արագ փոփոխությունների ժամանակաշրջան։ Իրականությունը միմիայն անակնկալներով և հաճախ մեր կամքին հակառակ փոփոխություններ է մտցնում և սրբագրում մեր ծրագերի և նախաձեռնությունների մեջ։ Ժամանակի ամենաորոշակի բնութագրիչը անորոշությունն է, իսկ քաղաքականը՝ անկայությունը։ Սակայն դա չի նշանակում, որ մենք շեղվելու ենք մեր նպատակներից,–ասել է Տիգրան Սարգսյանը։

Նա նաև խոստովանել է, որ վերջին 20 տարվա ընթացքում կառավարությունն այսքան կոնկրետ ծրագիր չի ներկայացրել։

–Երբևիցե ՀՀ կառավարությունը չի ստանձնել պարտավորություն՝ ճյուղային քաղաքակություն իրականացնելու։ Առաջի՛ն անգամ է, որ մենք ներկայացնում ենք ծրագրային քաղաքականության մոտեցումներ,–ավելացրել է նա։

7or.am