ՀՀ մարդու իրավունքների պաշտպան Արմեն Հարությունյանը լրագրողներին է ներկայացրել այս տարվա առաջին 6 ամսում ՄԻՊ գրասենյակի ստացած բողոքները, որոնք բավական շատ են եղել անցած տարվա համեմատությամբ։  Ըստ Արմեն Հարությունյանի ներկայացրած տվյալների՝  նախորդ տարվա առաջին 6 ամսում ՄԻՊ գրասենյակն ստացել է 1768 բողոք-դիմում, մինչդեռ 2009թ. առաջին վեց ամսում դրանք ավելացել են 1833-ով։

-Մեր երկրի քաղաքացիներն առաջինը դժգոհում են ոստիկանությունից, հետո կրթության և գիտության նախարարությունից, ապա՝ քաղաքապետարանից, դատարաններից, Աշխատանքի և սոցիալական հարցերի նախարարությունից,- ասել է Արմեն Հարությունյանը։

Նրա խոսքերով՝ հաճախ մարդիկ դիմում են որևէ բողոքով, հետո, երբ իրենք հարցում են ուղարկում տվյալ գերատեսչություն՝ պարզաբանումների համար, ետ են վերցնում իրենց բողոքները։

-Եթե սա վախի մթնոլորտից չէ, բա ի՞նչ է ,-նշել է մարդու իրավունքների պաշտպանը։

7or.am