Խոսելով արտաքին քաղաքականության միասնական հայեցակարգի մասին Վարդան Օսկանյանն ասել է, որ թղթային հայեցակարգերին ինքը չի հավատում.
-Կարծում եմ, որ դա ձևական փաստաթուղթ է, և հնարավոր չէ այնտեղ ամեն ինչ բաց դնել, և հետո, եթե ինչ-որ բան ես գրում թղթի վրա և փորձում ես դրանից օգտվել, դու քեզ սահմանափակում ես: Հայեցակարգ թղթի վրա չունենալը, չի նշանակում չպատկերացնել ինչ անել: Տասը տարի ես հստակ գիտեի՝ ինչ ենք ուզում, որոնք են մեր նպատակները և ինչ ճանապարհով ենք գնում: Համենայն դեպս, եթե այսօր Արտաքին գործերի նախարարությունը որոշել է հայեցակարգ ունենալ, ոչ ոք չի առարկում: