Անցած օրերին ես էլ իմ ուժերի ներածին չափով փորձել եմ «տաք» պահել օֆշորային սկանդալի թեման, եւ իմ գրառումները տարածել են տարբեր կայքեր:

Թեման «տաք» պահելու գործում, իսկապես, իմ լուման նույնպես կա: Ճիշտ է՝ համեստ, բայց լումա եմ ներդրել:

Այսօր իմացա, որ վերջին մեկ ամսվա ընթացքում մոտ 100 հազար դոլար գումար Է «ներդրվել» վարչապետի օֆշորային սկանդալի թեման «տաք» պահելու համար:

Հետեւաբար, պահանջում եմ ինձ «հասանելիքը հոնորարը» )))

Ես այն փոխանցելու եմ Տիգրան Սարգսյանի փրկության ֆոնդին, որը, ինչպես հայտնի է, սուր վարակային ինֆեկցիայով երեկ հայտնվել է «Նաիրի» բժշկական կենտրոնում:

Ի դեպ, երեկ «լուծի» թեմայով նույնպես ՖԲ-ում գրառում եմ կատարել:

Եթե վաղը պարզվի, որ այս թեման «տաք» պահելու համար եւս 100 հազար դոլար է ներդրվել, ապա նույն պահին պահանջելու եմ ինձ «հասանելիք հոնորարը»:

Դա էլ փոխանցելու եմ Տիգրան Սարգսյանի պահուստային ֆոնդին, որ վարչապետը կարողանա առատորեն վարձատրել իր քարոզիչներին…

Կիմա Եղիազարյան