Նախորդ տարվա համեմատ ամեն ամիս սպառողական ապրանքների գներն ավելացել են։ Ինչպես «7օր»–ը տեղեկանում է ՀՀ ազգային վիճակագրական ծառայությունից, սպառողական գների ինդեքսը, նախորդ տարվա համապատասխան ամսվա համեմատ, հունվարին աճել է 102,6%–ով, փետրվարին՝ 103,1%–ով, մարտին՝ 103,4%–ով, ապրիլին՝ 103,9%–ով, մայիսին՝ 105,2%–ով և հունիսին՝ 106,5%–ով։

Իսկ ավելի որոշակի, օրինակ 2013թ. հունիսին նախորդ տարվա նույն ամսվա համեմատ պարենային ապրանքները թանկացել են 109,0%–ով, ոգելից խմիչքներն ու ծխախոտը՝ 105,6%–ով, հագուստը և կոշիկը՝ 106,7%–ով, բնակվարձը, վառելիքը և էլեկտրաէներգիան՝ 100,5%–ով, տնային գործածության ապրանքները՝ 104,2%–ով, բուժսպասարկումը և դեղորայքը՝ 112,6%–ով, տրանսպորտը և կապը՝ 100,9%–ով, մշակույթի ապրանքներն ու ծառայությունները՝ 104,6%–ով, այլ ապրանքներն ու ծառայությունները՝ 105,2%–ով։

Պարենային ապրանքներից ամենաշատն ավելացել են հացամթերքի, ձվի, մրգերի, բանջարեղենի, կարտոֆիլի և կաթնամթերքի գները։

Ոչպարենային ապրանքներից ամենաշատը թանկացել են մանկական հագուստը և հատկապես կանանց կոշկեղենը։

Ավելացել են նաև կոշիկի վերանորոգման և բուժսպասարկման գները։

Իսկ ըստ քաղաքների՝ սպառողական գների ինդեքսը 2013թ. հունիսին ամենաշատն աճել է Դիլիջանում, այնուհետև՝ Երևանում և Վանաձորում։

7or.am