ՀՀ գյուղատնտեսության նախարար Գերասիմ Ալավերդյանի՝ վերջերս Գյումրիում արած այն հայտարարությունը, թե պետությունը որևէ փոխհատուցում չի նախատեսում Շիրակի մարզի աղետից տուժած համայնքներին, խիստ վրոդվեցրել է ուժեղ կարկուտից և քամուց մեծ վնասներ կրած գյուղաբնակներին: Վերջիններս նշում են, որ բացի բանջարաբոստանային և հացահատիկային մշակաբույսերից, աղետը մեծ վնաս է հասցրել նաև իրենց տներին, որոնց վերանորոգման համար մեծ գումարներ են անհրաժեշտ:

Ախուրիկ համայնքում պտտահողմից 12 ընտանիք է տուժել։ Նրանցից որոշներն անասուն են վաճառել և հոգացել տան վերանորոգման աշխատանքները, իսկ մյուսներն սպսում են մարզպետարանի կողմից կառավարություն ներկայացրած ծրագրի պատասխանին և պետությունից ակնկալում են իրենց կրած վնասների գոնե մասնակի փոխհատուցում:

Նրանք դժոգոհում են, որ իրենք պարտաճանաչ կերպով վճարում են հարկերը, իսկ նեղն ընկած ժամանակ պետությունն իրենց որևէ աջակցություն չի ցուցաբերում: Վլադիմիր Գևորգյանը ասում է, որ հենց նոր փախել է հարկահավաքներց. «Տիա փախե եկել եմ, հենց նոր հարկահավքը մեր տնից գնաց, եկել, փող է ուզում։ Չունեմ, որտեղի՞ց տամ: Ոչ մի բանով չեն օգնում: Ամոթ չէ՞ էս պետությանը. մի 200 «շիֆռն» ի՞նչ է, որ չեն տալիս, որ մարդիկ կտուրները ծածկեն, բաց երկնքի տակ են քնում»:

Ախուրիկցի Գրիգորի ընանիքն արդեն երկար ժամանակ է, ինչ կիսաքանդ և առանց կտուրի տան մեջ է ապրում: «Ո՛չ անասուն ունիմ վաճառելու, ո՛չ էլ դրսում աշխատող բարեկամ, որ իմ ծախսերը ես հոգամ: Մի թոռ ունեմ դրսում, են էլ ազգային բանակում է ծառայում: Հիվանդ կնոջս հետ անմարդկային պայմաններում ապրում ենք: Էս ի՞նչ պետություն է. մի քանի հատ «շիֆր» չունի, գոնե կտուրը փակենք»,-դժգոհում է ախուրիկցի Գրիգորը:

Նրա խոսքերով՝ ինքը բազմիցս դիմել է թե՛մարզպետարան, և թե՛ գյուղապետարան, եկել-գնացել են, վնասները ճշտել՝ ու ոչ մի արդյունք: Արդյունքում տան աբողջ գույքը անձրևներից փչացել է: Ու հիմա նախկին տեսուչ Գրիգորն ասում է. «Հարկերը հավաքելուց 10 անգամ գնում-գալիս են, ու եթե չտաս, աչքերդ կհանեն: Հմի զգուշացնում եմ՝ մինչև կտուրս չսարքեն, ոչ մի քյոխվա թող տանս բոլորը չերևա»:

Դերենիկ Մալխասյան

Գյումրի