Նոր սկանդալ է հասունացել Ֆրանսիայում. ֆրանսիացի հարկատուները պահանջում են Ֆրանսիայի նախկին առաջին տիկին Կառլա Բրունիից վերադարձնել պետությանը մոտ կես մլն դոլար, որը նա ծախսել է իր բարեգործական հիմնադրամի կայքի բացման և զարգացման համար։ Կայքի վրա ծախսած գումարի թիվը բարձրաձայնել է Ֆրանսիայի ներկա նախագահ Ֆրանսուա Օլանդը, ով հանդես է եկել Ելիսեյան պալատի ծախսերի կրճատման անհրաժեշտության մասին զեկույցով:

Վրդովված հարկատուները առցանց ստորագրահավաք են կազմակերպել, որով պահանջում են Բրունիից վերադարձնել ծախսած գումարը պետությանը: Այդ կերպ հաջողվել է հավաքել մոտ 50 հազար ձայն, իսկ ստորագրությունների թիվը շարունակում է աճել: