Ըստ Ազգային վիճակագրական ծառայության տվյալների՝ այս տարվա օգոստոսին բանջարեղենը 2012թ.-ի նույն ժամանակահատվածի համեմատ թանկացել է 32.7%-ով, մրգերը՝ 24.9%-ով, իսկ շաքարավազի միջին գինը նվազել է 12.8%-ով:

Մսամթերքի ապրանքախմբում օգոստոսին 2012թ. նույն ժամանակահատվածի հետ համեմատ թանկացել է 3.6%-ով, իսկ հացամթերքի ապրանքախմբում գրանցվել է 8.1% գնաճ: Ձկնամթերքը նույն ժամանակահատվածում թանկացել է 3.7%-ով, ձուն` 27.9%-ով, ոչ ոգելից խմիչքները` 7.4%-ով:
Հանրապետության դիտարկված բոլոր քաղաքներում օգոստոսին հուլիսի համեմատ արձանագրվել է ծառայությունների սակագների 2.4-2.9% հավելաճ։