Լրահոս

17.07.2009 17:19


Քննարկվել է հակակարկտային համակարգի ստեղծման ծրագիրը

ՀՀ Նախագահի աշխատակազմի ղեկավար Կարեն Կարապետյանն այսօր աշխատանքային խորհրդակցություն է անցկացրել  հանրապետությունում հակակարկտային համակարգի ստեղծման ծրագրի վերաբերյալ:

Արտակարգ իրավիճակների նախարար Մհեր Շահգելդյանը նման ծրագրի անհրաժեշտությունը պայմանավորել է այն հանգամանքով, որ Հայաստանի աշխարհագրական ու բնակլիմայական պայմանները նպաստավոր են մթնոլորտային վտանգավոր երևույթների առաջացման համար, և դրանց վրա ակտիվ ներգործության ամբողջական համակարգի բացակայության հետևանքով գյուղատնտեսությունը մեծ վնասներ է կրում:

ՀՀ Նախագահի աշխատակազմի ղեկավարն ընդգծելով խնդրի հասարակական, սոցիալական մեծ հնչողությունը, նշել է, որ այն Հանրապետության Նախագահի անմիջական ուշադրության կենտրոնում է:

Ծրագրի վերաբերյալ հնչած առաջարկությունների, նկատառումների ու դիտողությունների քննարկման արդյունքում խորհրդակցության մասնակիցները հանգել են այն եզրակացության, որ աշխատանքները պետք է կազմակերպել փորձնական տարբերակով. եղած հնարավորություններն ավելի արդյունավետ օգտագործելով իրականացնել պիլոտային ծրագրեր, գնահատել դրանց առավելություններն ու թերություններն, որից հետո միայն խոսել համալիր ծրագրի մասին:

Այս խորագրի վերջին նյութերը