Սեպտեմբերի 21–ին՝ ժամը 19։00–23։00–ը, նախատեսվում է ամբողջ Երևանով Անկախության համազգային երթ անցկացնել։ Այս նպատակով «Ֆեյսբուք» սոցիալական ցանցում ստեղծված էջում առաջարկվում է վերահաստատել անկախ պետություն ունենալու մեր կամքն ու վճռականությունը և որպես դրա ապացույց ու վճռականության դրսևորում՝ կազմակերպել Անկախության համազգային երթ։

Հիշեցնենք, որ 1991թ. սեպտեմբերի 21-ին Հայաստանի Գերագույն խորհրդի որոշմամբ անցկացվեց հանրաքվե՝ ԽՍՀՄ կազմից դուրս գալու և անկախ պետականություն հաստատելու մասին։ Ընտրական իրավունք ունեցող քաղաքացիների 94,99%-ը կողմ քվեարկեց: Երկու օր անց հանրապետության Գերագույն խորհուրդը Հայաստանը հռչակեց անկախ, ինքնիշխան հանրապետություն։ Սեպտեմբերի 21-ը նշվում է որպես Անկախության տոն:

7or.am