Այսօր հրավիրված ասուլիսում Ճարտարապետների միության նախագահ Մկրտիչ Մինասյանը Փակ շուկան աղավաղելը, կառավարության կողմից պատմամշակութային հուշարձանները մասնավորեցնելու գործընթացը անտեսելու հետևանք է համարում։

–Պետությունը մատների արանքով է նայում։ Փակ շուկայի սեփականատերը չի հասկանում, որ կարելի է շուկան ադապտացնել։ Մեզ մոտ հուշարձանը ոչնչացնում են, նոր մտածում՝ ճիշտ էր, թե ոչ,-ասել է ճարտարապետը։

Նա նաև պնդել է, որ ամիսներ առաջ Երևանի քաղաքապետարանի հայտարարությունը, թե ապամոնտաժվել է Փակ շուկայի սյուներից մեկը, իրականում կապ չունի շուկայի շինարարական շխատանքների հետ:

Ասուլիսի մեկ այլ բանախոս, ճարտարապետ Սաշուր Քալաշյանն էլ ստեղծված իրավիճակը համեմատել է Կռիլովի հայտնի առակներից մեկի հետ.

–Մենք հիմա այդ վիճակում ենք՝ կատուն սեղանից գողացել է միսը, իսկ կառավարությունը մեր ու կատվի գլխին քարոզ է կարդում: Քանի դեռ կառավարությունը կտրուկ ու գործնական քայլեր չի ձեռնարկել, կատուները կշարունակեն գողություն անել։

7or.am