Այսօրվա ասուլիսին ԱԺ տնտեսական հարցերի մշտական հանձնաժողովի նախագահ Վարդան Այվազյանը հայտնել է, որ Մաքսային միությանն անդամակցելու համար ՀՀ օրենսդրությունը համապատասխանեցնելուն օրենսդրական փաթեթները Արդարադատության նախարարությունը և համապատասխան գերատեսչություններն արդեն ստացել են։

Ըստ բանախոսի՝ Հայաստանը ՄՄ անդամ երկրների հետ առևտուր կիրականացնի միայն փաստաթղթային ձևակերպումներով։

«Այնպես, ինչպես Բելառուսում է կիրառվում, Ղազախստանում, նույն ձևի մաքսային մեկ միասնական կառավարման մոդել: Այսինքն, սա միասնական խնդիր է լուծում»,-ասել է ՀՀԿ խմբակցության պատգամավորը՝ կասկած հայտնելով, որ 2014թ. ընթացքում Հայաստանը կհասցնի նախապատրաստվել Մաքսային միությանն անդամակցելուն։

7or.am