ԱԳ նախարարն ընդունեց Արգենտինայի արտաքին առևտրի քարտուղարին
Հոկտեմբերի 17-ին ԱԳ նախարար Էդվարդ Նալբանդյանն ընդունեց Արգենտինայի արտաքին առևտրի քարտուղար Բեատրիս Պագլիերին, որ Հայաստան է ժամանել հայ-արգենտինյան գործարար համաժողովին մասնակցելու նպատակով:
Ողջունելով հյուրին` նախարար Նալբանդյանը գոհունակություն հայտնեց Հայաստանի և Արգենտինայի միջև տարբեր բնագավառներում համագործակցության զարգացման կապակցությամբ նշելով, որ այդ գործընթացում կարևոր դերակատարություն ունի արգենտինահայ համայնքը:
Շնորհակալություն հայտնելով ընդունելության համար` Բեատրիս Պագլիերին ասաց, որ Արգենտինան շահագրգռված է Հայաստանի հետ համակողմանի փոխգործակցության զարգացմամբ և արգենտինյան գործարարների ներկայացուցչական պատվիրակության այցելությունը և գործարար համաժողովը դրա վկայությունն են:
Հանդիպմանը մտքեր փոխանակվեցին երկու երկրների միջև տնտեսական փոխգործակցությունը խթանելու ուղիների շուրջ, կարևորվեցին գյուղատնտեսության, թեթև արդյունաբերության, սննդի վերմշակման, դեղագործության և տուրիզմի ոլորտներում համագործակցությունը:
Երկուստեք նշվեց, որ մուտքի արտոնագրային ռեժիմի ազատականցումը կարևոր գործոն է համագործակցության և փոխանակումների ընդլայնման համար:
ԱԳ նախարարն ընդունեց Արգենտինայի արտաքին առևտրի քարտուղարին
Հոկտեմբերի 17-ին ԱԳ նախարար Էդվարդ Նալբանդյանն ընդունեց Արգենտինայի արտաքին առևտրի քարտուղար Բեատրիս Պագլիերին, որ Հայաստան է ժամանել հայ-արգենտինյան գործարար համաժողովին մասնակցելու նպատակով:
Ողջունելով հյուրին` նախարար Նալբանդյանը գոհունակություն հայտնեց Հայաստանի և Արգենտինայի միջև տարբեր բնագավառներում համագործակցության զարգացման կապակցությամբ նշելով, որ այդ գործընթացում կարևոր դերակատարություն ունի արգենտինահայ համայնքը:
Շնորհակալություն հայտնելով ընդունելության համար` Բեատրիս Պագլիերին ասաց, որ Արգենտինան շահագրգռված է Հայաստանի հետ համակողմանի փոխգործակցության զարգացմամբ և արգենտինյան գործարարների ներկայացուցչական պատվիրակության այցելությունը և գործարար համաժողովը դրա վկայությունն են:
Հանդիպմանը մտքեր փոխանակվեցին երկու երկրների միջև տնտեսական փոխգործակցությունը խթանելու ուղիների շուրջ, կարևորվեցին գյուղատնտեսության, թեթև արդյունաբերության, սննդի վերմշակման, դեղագործության և տուրիզմի ոլորտներում համագործակցությունը:
Երկուստեք նշվեց, որ մուտքի արտոնագրային ռեժիմի ազատականցումը կարևոր գործոն է համագործակցության և փոխանակումների ընդլայնման համար: