ԱԳ նախարարը հանդիպել է Համաշխարհային օդերևութաբանական կազմակերպության գլխավոր քարտուղարի հետ
Հոկտեմբերի 18-ին ԱԳ նախարար Էդվարդ Նալբանդյանը հանդիպեց Համաշխարհային օդերևութաբանական կազմակերպության գլխավոր քարտուղար Միշել Ժարրոյի հետ։
Հանդիպմանը, որին մասնակցում էր նաև Հայաստանի ԱԻՆ Հայպետհիդրոմետի տնօրեն Լևոն Վարդանյանը, նախարար Նալբանդյանը կարևորեց Հայաստանի փոխգործակցությունը ՄԱԿ-ի մասնագիտացված գործակալության՝ Համաշխարհային օդերևութաբանական կազմակերպության հետ:
Նախարար Նալբանդյանը երախտագիտություն հայտնեց ՀՕԿ մշտական աջակցության` մասնավորապես Կամավոր համագործակցության ծրագրի շրջանակում ստացված տարատեսակ տեխնիկական օժանդակության համար: Նա հավելեց, որ Հայաստանը հետաքրքրված է օդերևութաբանության ոլորտում առաջավոր փորձի և գիտելիքների ներդրմամբ և այդ ուղղությամբ ակնկալում է ՀՕԿ-ի շարունակական օժանդակությունը:
Շնորհակալություն հայտնելով ընդունելության համար՝ ՀՕԿ-ի գլխավոր քարտուղարը նշեց, որ Հայաստանը հանդիսանում է կազմակերպության ակտիվ անդամներից մեկը և մասնակցում է դրա շրջանակներում բոլոր ութ ուղղություններով իրականացվող համագործակցությանը։ Նա ընդգծեց, որ Հայաստանը հաջողությամբ համատեղել է օդերևութաբանության և հիդրոլոգիայի ոլորտները, ինչպես նաև կարևորեց, որ Հայաստանում բուհական մակարդակով դասավանդում է հիդրոօդերևութաբանություն առարկան:
.jpg)
ԱԳ նախարարը հանդիպել է Համաշխարհային օդերևութաբանական կազմակերպության գլխավոր քարտուղարի հետ
Հոկտեմբերի 18-ին ԱԳ նախարար Էդվարդ Նալբանդյանը հանդիպեց Համաշխարհային օդերևութաբանական կազմակերպության գլխավոր քարտուղար Միշել Ժարրոյի հետ։
Հանդիպմանը, որին մասնակցում էր նաև Հայաստանի ԱԻՆ Հայպետհիդրոմետի տնօրեն Լևոն Վարդանյանը, նախարար Նալբանդյանը կարևորեց Հայաստանի փոխգործակցությունը ՄԱԿ-ի մասնագիտացված գործակալության՝ Համաշխարհային օդերևութաբանական կազմակերպության հետ:
Նախարար Նալբանդյանը երախտագիտություն հայտնեց ՀՕԿ մշտական աջակցության` մասնավորապես Կամավոր համագործակցության ծրագրի շրջանակում ստացված տարատեսակ տեխնիկական օժանդակության համար: Նա հավելեց, որ Հայաստանը հետաքրքրված է օդերևութաբանության ոլորտում առաջավոր փորձի և գիտելիքների ներդրմամբ և այդ ուղղությամբ ակնկալում է ՀՕԿ-ի շարունակական օժանդակությունը:
Շնորհակալություն հայտնելով ընդունելության համար՝ ՀՕԿ-ի գլխավոր քարտուղարը նշեց, որ Հայաստանը հանդիսանում է կազմակերպության ակտիվ անդամներից մեկը և մասնակցում է դրա շրջանակներում բոլոր ութ ուղղություններով իրականացվող համագործակցությանը։ Նա ընդգծեց, որ Հայաստանը հաջողությամբ համատեղել է օդերևութաբանության և հիդրոլոգիայի ոլորտները, ինչպես նաև կարևորեց, որ Հայաստանում բուհական մակարդակով դասավանդում է հիդրոօդերևութաբանություն առարկան: