Քաղաքապետարանը որ ճանապարհների վերանորոգման աշխատանքների կատարման մրցույթ ա հայտարարում, ի՞նչ սկզբունքով ա ընտրում տենդերի հաղթողին: Հսկայական ճանապարհի ընդամենը 1/30-րդ մասն են ազատ թողնում ու վարորդներին ասում ենք՝ «Քշե՛ք»: Սենց ո՞նց կլինի: Ամեն խաչմերուկում տեսախցիկ եք դրել, որ փող «կլպեք», հիմա էլ վարորդները չգիտեն՝ խաչմերուկն անցնելուց ոնց անեն, որ մի կերպ խցկվեն վերանորոգվող ճանապարհի երթևեկելի մասում, ու միևնույն ժամանակ խախտում չանեն ու չտուգանվեն: Էսօր աչքիս առաջ խաչմերուկը անցնելուց մի մեքենա վթարային իրավիճակ ստեղծեց, առջևից եկող մեքենան խփեց:

Հիմա կամ ընդհանրապես փակե՛ք վերանորոգվող ճամփան, մարդիկ շրջանցեն, ուրիշ ճանապարհներով գնան, կամ էլ վերանորոգումն արա՛գ կազմակերպեք:
Հ.Գ. Քշում ես, մեկ ել ջոկում ես՝ ուղիղ քո վրա մի հատ տրակտոր ա գալիս, դե արի, բան հասկացի:

Վազգեն Պետրոսյանի ֆեյսբուքյան էջից