«Մանկական Եվրատեսիլ- 2013» երգի մրցույթն այս տարի կանցկացվի Ուկրաինայի Արվեստների ազգային պալատում նոյեմբերի 30-ին՝ «Be Creative» նշանաբանի ներքո: Հայաստանը Եվրոպայի այս հեղինակավոր պատանեկան մրցույթին ներկայանում է 7-րդ անգամ:

Ընդհանուր առմամբ մրցույթին այս տարի կմասնակցի 12 երկիր՝

1. Հայաստան- Մոնիկա Ավանեսյան, «Choco Factory» (http://www.youtube.com/watch?v=IEsqnjZt4dg)
2. Բելառուս- Իլյա Վոլկով, «Poy so Mnoy»
3. Վրաստան- Սմայլ Շոփ, «Give your smile»
4. Մոլդովա- Ռաֆայել Բոբեյկա, «Cum să fim»
5. Մակեդոնիա - Բարբարա Պոպովիչ, «Ohrid i muzika»
6. Մալթա- Գայա Կոչի, «The Start»
7. Նիդերլանդներ- Միլենե և Ռոզանե, «Double Me»
8. Ռուսաստան- Դայանա Կիրիլովա, «Dream on»
9. Սան Մարինո- Միշելե Պերնիոլա , «O-o-O Sole intorno a me»
10. Շվեդիա- Էլիաս, «Det är dit vi ska»
11. Ուկրաինա- Սոֆիա Տարասովա, «We Are One»
12. Ադրբեջան- Ռուսթամ Կարիմով, «Me And My Guitar»

«Մանկական Եվրատեսիլ- 2013» տարբերանշանը Puzzle Man է: Փազլ հավաքում են աշխարհի բոլոր երեխաները, որը զարգացնում է երեխայի ստեղծագործական միտքը և խորհրդանշում է տարբեր մասնիկներից բաղկացած միասնություն: Եվրոպայի տարբեր ծայրերից հավաքված երեխաները կհամախմբվեն մեկ գաղափարի շուրջ «Եղի′ր ստեղծագործ»:

«Մեր կարծիքով «Be Creative» նշանաբանը շատ համահունչ է Puzzle Man տարբերանշանի հետ: Մեր աշխատանքային թիմը ոգեշնչվել է այս թեմայով եւ օգտագործել այս կոնցեպտը բեմի ձևավորման մեջ. այն գլուխկոտրուկ կհիշեցնի: Ժամանակակից տեխնոլոգիաները կօգնեն մեզ հեքիաթային մթնոլորտ ստեղծել եւ կենդանություն տալ հիմնական կոնցեպտին»,- նշում է Ուկրաինայի Ազգային հեռուստաընկերության գործադիր տնօրեն Ալեքսանդր Պանտելեյմոնովը:

Մասնակիցների ելույթների հերթականությունը կորոշվի մրցույթի բացմանը նվիրված պաշտոնական խնջույքի ժամանակ, որը կանցկացվի նոյեմբերի 25-ին:

Այս տարի մրցույթի անցկացման կարգում մի շարք փոփոխություններ եւ նորամուծություններ են կատարվել: Ներկայացվող երգերի մաքսիմալ թույլատրելի տևողությունը 3 րոպե է: Միավորներ հայտնող պատանիները քվեարկության արդյունքները կհայտարարեն ոչ թե տեսանյութի միջոցով, այլ հենց համերգային բեմից: Հայաստանյան քվեարկության արդյունքները կներկայացնի «Մանկական Եվրատեսիլ- 2013»-ի հայաստանյան եզրափակիչ փուլի 2-րդ մրցանակակիր Դավիթ Վարդանյանը:

Այս տարի նախորդ մեկի փոխարեն կլինի 3 մրցանակային տեղ: Նրանք կպարգևատրվեն Փազլմեն գավաթներով, իսկ առաջին տեղը զբաղեցրած մասնակիցը հնարավորություն կստանա մասնակցելու Եվրատեսիլ 2014-ին:

Հատուկ հյուրը կլինի Մանկական Եվրատեսիլ- 2012»-ի հաղթող մասնակից Անաստասիա Պետրիկը:

Այս տարի ելույթից առաջ ցուցադրվող հեռուստաբացիկի տևողությունը կլինի 50 վայրկյան՝ նախորդ 40-ի փոխարեն:

Մրցույթը կվարեն Եվրատեսիլ-2013-ի մասնակից Զլատա Օգնևիչը և հաղորդավար Տիմուր Միրոշնիչենկոն:

Առաջին ալիք Հասարակայնության հետ կապերի բաժին