«Հայ ազգային կոնգրես» կուսակցության անդամ, տնտեսագետ Վահագն Խաչատրյանն այսօր ՏՏ ոլորտի մասնագետների ու «Ժառանգություն» խմբակցության պատգամավոր Թևան Պողոսյանի հետ պարտադիր կուտակային կենսաթոշակային համակարգը քննարկելու ժամանակ անընդունելի է համարել օրենքում տարեցտարի պետության ֆինանսական պարտավորություններն աստիճանաբար պակասեցնելը, իսկ աշխատողներինը՝ ավելացնելը։ Ըստ նրա՝ դեռևս «շանս կա»՝ համակարգը փրկելու և մարդկանց դժգոհությունը բավարարելու, որովհետև այսօր հասարակությունը պատրաստ չէ այս համակարգին, երբ կան կարմիր գծեր, և սպասվում է ավտոբուսի թանկացում: Հիշեցնենք, որ այսօր «Բարգավաճ Հայաստանի» և ընդդիմադիր երեք խմբակցությունների պատգամավորների 44 ստորագրություններով կազմակերպել են ԱԺ արտահերթ նիստ պարտադիր կուտակային կենսաթոշակային համակարգին անցում կատարելու կառավարության որոշումը քննարկելու համար: