Այսօր՝ ժամը 12։00–ին, ՀՀ կառավարության շենքի մոտ բողոքի գործողություն է տեղի ունենալու՝ ընդդեմ կուտակային կենսաթոշակային համակարգի պարտադիր բաղադրիչի։

Բողոքի գործողության մասնակիցները կոչ են անում բոլորին՝ գործարարներին, աշխատող քաղաքացիներին, ուսանողությանը, ինչպես նաև ինքնազբաղ և առհասարակ իրենց ապագայով մտահոգ բոլոր քաղաքացիներին, միանալ իրենց այս ակցիային:

Նրանք նաև հորդորում են բողոքի գործողությանը գնալ փուչիկներով՝ որպես կառավարության խոստումների խորհրդանիշ: Իսկ բողոքի գործողության ավարտին էլ դրանք կպայթեցվեն։

Նշենք, որ ՀՀ կառավարության մշակած օրինագիծն ուժի մեջ պետք է մտնի 2014թ. հունվարի 1-ից։ Այս հարցով նոյեմբերի 15-ին ԱԺ 4 խմբակցությունների հրավիրած արտահերթ նիստը տապալվեց ՀՀԿ–ի և ՕԵԿ–ի բոյկոտի պատճառով։

7or.am