Սանկտ Պետերբուրգից նոր վերադարձած ՀՀ վարչապետ Տիգրան Սարգսյանը, կառավարության այսօրվա նիստի օրակարգային հարցերին անցնելուց առաջ, հայտարարել է, որ Հայաստանի, Ռուսաստանի, Ղազախստանի և Բելառուսի նախագահների հանձնարարությամբ՝ Եվրասիական հանձնաժողովում ձևավորվել է աշխատանքային խումբ։ Այն քննարկելու է Մաքսային միությանը ՀՀ անդամակցության, ինչպես նաև միացյալ տնտեսական տարածքին վերաբերող հարցերը:

–Աշխատանքային խումբը պետք է Մաքսային միություն մտնելու համար անհրաժեշտ ճանապարհային քարտեզը նախապատրաստի: Դրա համար մեր բոլոր գերատեսչություններին լարված աշխատանք է սպասվում։ Դեկտեմբերի 5-ին աշխատանքային խմբի առաջին հանդիպումն է, մենք պետք է պատրաստ լինենք մեր անելիքները ներկայացնել ըստ ոլորտների։ Դեկտեմբերին պետք է պատրաստ լինի այդ ճանապարհային քարտեզը նախագահների հաստատմանը ներկայացնելու համար,–ասել է Տ. Սարգսյանը:

7or.am