Այսօր՝ նոյեմբերի 21–ին, աշխարհը նշում է ողջույնի համաշխարհային օրը (World Hello Day)։ «Ռոսբալտ»–ի փոխանցմամբ՝ այն 1973-ին՝ սառը պատերազմի ամենաթեժ պահին, նախաձեռնել են ամերիկացի եղբայրներ Մայքլ և Բրայեն Մաքքոմաքները՝ ի պատասխան Եգիպտոսի և Իսրայելի միջև եղած հակամարտության։ Եղբայրների գաղափարը՝ իբրև միջազգային լարվածության ուժեղացման դեմ յուրօրինակ բողոք, հավանության արժանացրեց ավելի քան 180 պետություն։ Այդ ժամանակից ի վեր՝ ողջույնի համաշխարհային օրը նշում են տարբեր տարիքի և մասնագիտության տեր մարդիկ՝ խոշոր քաղաքական առաջնորդներ, արդյունաբերական մագնատներ, կինոյի ու հեռուստատեսության հայտնի դեմքեր: Սա գեղեցիկ օր է առհասարակ ընկերական ողջույնների, ուրախ զգացողությունների և լավ տրամադրության համար։

Հիշեցնենք, որ այս օրը համընկել է նաև փիլիսոփայության համաշխարհային օրվա հետ, որը նշվում է յուրաքանչյուր տարվա նոյեմբերի երրորդ հինգշաբթի օրը։