Ինչպես տեղեկացրել էինք, օրեր առաջ ՀՀ էկոնոմիկայի և բնական պաշարների նախարարությունից նաիրիտցիներին հուսադրել էին, որ մոտ օրերս կվճարեն մեկ ամսվա աշխատավարձ, մեկն էլ կտան Ամանորի նախաշեմին, որից հետո մնացած ամիսների ողջ գումարը կսառեցվի։ Սակայն գործարանի աշխատակազմն այդպես էլ չի ստացել խոստացվածը։ «7օր»–ի աղբյուրի փոխանցմամբ՝ այդպիսով փորձում են ձգել մինչև տարեվերջ և սահմանափակվել մեկ աշխատավարձով։ Գործարանի աշխատակազմը պատրաստվում է հերթական ցույցին։

Հիշեցնենք, որ 2010-ից հարկադիր պարապուրդում գտնվող «Նաիրիտ»–ի աշխատողներին չի վճարվել 14 ամսվա աշխատավարձ։