Արդեն տևական ժամանակ է, ինչ տարբեր լրատվամիջոցներում լուրեր են պտտվում այն մասին, որ Եգիպտոսի հնագույն ժառանգության նախկին նախարար Զահի Հավաասը վտարել է հայտնի երգչուհի Բեյոնսեին եգիպտական բուրգերի էքսկուրսիայից երգչուհու և նրա թիկնապահի անհարգալից վերաբերմունքի պատճառով։ Նրանք ուշացումով էին ժամանել թանգարան և վիճաբանել թանգարանի լուսանկարչի հետ՝ արգելելով լուսանկարել Բեյոնսեին:

Սակայն լուրը չմնաց անպատասխան: Բեյոնսեի պաշտոնական ներկայացուցիչները սկանդալային տեղեկությունը հերքող հաղորդում են տարածել, որում ասված է. «Ոչ մի նմանատիպ բան երբեք տեղի չի ունեցել: Վերջին անգամ Բեյոնսեն եղել է Եգիպտոսում 2009–ին՝ համաշխարհային շրջագայության ժամանակ: Այս պատմվածքը բացահայտ սուտ է և իրականության հետ ոչ մի կապ չունի»: