Հայ ազգային կոնգրեսի ներկայացուցիչ Դավիթ Շահնազարյանը լրագրողներին վստահեցրել է, որ երկրում օր առաջ խորհրդարանական և նախագահական ընտրություններ անցկացնելու հարցում ՀԱԿ-ում որևէ տարաձայնություն չկա։ Տարբեր են դիրքորոշումները միայն ԼՂ-ի խնդրի կարգավորման հարցում։

-ՀԱԿ-ն իր ներսում այն կառուցվածքի տարրերն է դրել, որոնք ապագայում մեր պետությունը պետք է ունենա։ Այո՛, Հայաստանի ապագա իշխանությունն ու ընդդիմությունն այսօր գտնվում են ՀԱԿ-ում։ Դրա համար էլ կան տարբեր կարծիքներ, և դա ՀԱԿ-ի ուժի ապացույցն է։

Առաջնայինը, ըստ Դ. Շահնազարյանի, իշխանափոխության միջոցով ԼՂ-ի կարգավորման շուրջ այժմ ընթացող գործընթացի կասեցումն է, իսկ այն, թե իշխանափոխությունից հետո ԼՂ-ի հարցն ինչպե՞ս կկարգավորվի, հրատապ հարց չէ։

7or.am