Այսօրվա ասուլիսին, անդրադառնալով Թուրքիայի ԱԳ նախարարի Երևան այցին, թուրքագետ Արտակ Շաքարյանը նշեց, որ Ահեմեդ Դավութօղլուն եկավ, շոուն արեց ու փառքով վերադարձավ: Ըստ բանախոսի՝ Դավութօղլուն ավելի շահեկան դիրքերում է հայտնվել, քանի որ միջազգային մամուլը դրական լույսի ներքո, գովեստներով և ծափահարություններով խոսում է նրա հղած ուղերձների մասին:

Թուրքագետի կարծիքով Հայաստանի և Թուրքիայի ԱԳ նախարարների հանդիպումը պետք է լիներ դռնբաց, որպեսզի ավելի հստակ լինեին պատկերացումները, թե ինչի մասին են խոսել, ինչ հարցեր քննարկել:

«Եթե Թուրքիայի ԱԳ նախարարը հանդիպումից հետո ասուլիս տվեց թուրք լրագրողների համար, ՀՀ ԱԳ նախարարը կամ նրա խոսնակը նույնպես պետք է ասուլիս կազմակերպեին հայ լրագրողների համար»,–նշել է թուրքագետը։

7or.am