Այսօր ՀՀ ԱԺ չորս խորհրդարանական խմբակցությունների անունից Սահմանադրական դատարան ենք հանձնելու «Կուտակային կենսաթոշակների մասին» ՀՀ օրենքի ընդունման վերաբերյալ մեր անհամաձայնության և սահմանադրական կարգով այն վիճարկելու դիմումը:

Փաստացի խոցելի խումբ է դարձել հասարակության ամենաբանուկ և աշխատունակ խավը, որոնց էլ անդրադառնում է օրենքը՝ տարածվելով 1974թ.-ից հետո ծնված անձանց վրա: Հարգելի՛ ՀՀ քաղաքացիներ, երիտասարդներ և բոլոր նրանք, ովքեր մտահոգ են այս խնդրով, կոչ եմ անում միանալ մեզ, դեկտեմբերի 17-ին՝ ժամը 12:00-ին, Ազատության հրապարակում:
Միասնական երթով քայլենք և մեր արդարացի բողոքի ու անհամաձայնության դիմումը հանձնենք Սահմանադրական դատարան:
Վահե Էնֆիաջյանի ֆեյսբուքյան էջից