ԱԺ ՀՅԴ խմբակցության պատգամավոր Արծվիկ Մինասյանի համոզմամբ՝ ՀՀ և ՌԴ կառավարությունների միջև կնքված գազային համաձայնագիրը ստրկացուցիչ պայմաններ է պարունակում իր մեջ։

–Սրանով Հայաստանի էներգետիկ ոլորտի ինքնիշխանության ամբողջ լիազորությունները փոխանցվում են ոչ թե անգամ ՌԴ-ին ու ՄՄ-ին, այլ ընդամենը առևտրային մի կազմակերպության: Քաղաքական տեսակետից հետագայում սա կարող է մեր երկրի ինքնիշխանության այլ ոլորտները զիջելու դուռ բացել,- ասել է նա Մինասյանը:

Իրավական առումով էլ, ըստ նրա, այս համաձայնագիրը հակասում է թե՛ միջազգային պայմանագրերին և թե՛ ՀՀ սահմանադրությանը։

–Խիստ զարմացած եմ, որ ՍԴ-ն դրական եզրակացություն տվեց: Արժե հրապարակել այն իրավաբանների անունները, որոնք սխալ խորհուրդներ են տվել ձեզ: 300 մլն պարտքի ձևավորումը հակասում է նաև բյուջետային համակարգի մասին օրենքին: Սա չի՛ կարող վավերացվել,- նշել է Ա. Մինասյանը,–սա չի տեղավորվում նաև ՄՄ–ի շրջանակներում։ Այո՛, մենք կողմ էինք, բայց ո՛չ այսպիսի փաստաթղթերով։ Կարո՞ղ եք ասել՝ Մաքսային միության ո՞ր երկրի հետ է նման համաձայնագիր կնքված։ Վերջում ավելացնեմ, որ Քր. Օր–ում կա 304–րդ հոդված՝ վնասարարության մասին, սա հիշե՛ք։

Մանրամասները՝ տեսանյութում:

7or.am