Թայլանդում ընդդիմադիրները, պահանջելով հետաձգել առաջիկա խորհրդարանական ընտրությունները, խափանել են ընտրական հանձնաժողովի աշխատանքները։ Հանձնաժողովը գրանցում էր ընտրարշավին մասնակցող պոտենցիալ մասնակիցների հայտերը։

Դեկտեմբերի 25–ի առավոտյան ծայրահեղ տրամադրված ուսանողները ներխուժել են մարզադաշտի տարածք, որտեղ հանձնաժողովն իր աշխատանքներն էր կատարում, հետո ազգային դրոշի գույներով ներկված մեծ կտորով պատել են մի քանի կառույց, որտեղ աշխատում էր հանձնաժողովը։ Ընդդիմադիրները հայտարարել են, որ իրենք հասան իրենց նպատակին՝ ցույց տվեցին իրենց դիրքորոշումն առաջիկա ընտրություններին։ Այս մասին տեղեկացնում է «ИТАР-ТАСС»-ը։