Ուկրաինայում ցուցարարներն այժմ էլ ներխուժել են Արդարադատության նախարարության շենք։ Մոտ 50 դիմակավորված մարդ՝ զինված փայտե և մետաղական ձողերով, գրոհել են նախարարության շենքը, կոտրել պատուհանների ապակիները և գույքը։

Արդարադատության նախարար Ելենա Լուկաշի պահանջը՝ անհապաղ ազատել շենքը, անպատասխան է մնացել։ Նախարարը սպառնացել է ընդդիմության հետ բանակցությունները դադարեցնելով և երկրում արտակարգ դրություն մտցնելով:

Նա ընդգծել է՝ այն պահին, երբ ցուցարարները ներխուժել են շենք, այնտեղ համաներման մասին օրենքի և Սահմանադրության մեջ փոփոխություններ կատարելու համար աշխատանքներ էին իրականացվում:

7or.am