ՂԻՀ Գերագույն ռադայի նախագահ Վլադիմիր Կոնստանտինովի խոսքերով՝ Ղրիմը չի վերադառնա Ուկրաինայի կազմ։ Այս մասին հաղորդում է Ղրիմի խորհրդարանի մամուլի ծառայությունը։

Կոնստանտինովը նշել է, որ Ուկրաինայի կենտրոնական իշխանության կողմից ՂԻՀ Գերագույն ռադայի հասցեին միայն սպառնալիքներ են հնչում. «Ոչ մի լավ խոսք Ղրիմի հասցեին չեմ լսել»,–ընդգծել է նա։ Հիշեցնենք, որ ՂԻՀ կարգավիճակի վերաբերյալ հանրաքվեն տեղի կունենա մարտի 16-ին։ Այս մասին տեղեկացնում է Ղրիմի լրատվական գործակալությունը։