«Հայ ազգային կոնգրես» խմբակցության ղեկավար Լևոն Զուրաբյանի համար վարչապետ Տիգրան Սարգսյանի հրաժարականն անակնալ չի եղել։ Այս մասին նա ասել է ԱԺ–ում՝ մի խումբ լրագրողների հետ ճեպազրույցի ժամանակ։

–Ակնհայտ էր, որ մեր նախապատրաստած միջոցառումների ցանկը, մասնավորապես՝ ապրիլի 28–ի հանրահավաքը, ուղղակի խուճապ էր առաջացրել իշխանությունների մեջ,–ասել է Լ. Զուրաբյանը։

Նա նաև նշել է, որ վարչապետի հրաժարականի միակ պատճառը ապրիլի 28–ին ՀԱԿ–ի, ԲՀԿ–ի, ՀՅԴ–ի և «Ժառանգության» հրավիրած շուրջօրյա հանրահավաքն էր։

–Մենք դրել էինք մեր առջև նպատակ, և այդ նպատակի գոնե առաջին փուլն արդեն իրականացրել ենք։ Հիմա պետք է անցենք առաջ,–ավելացրել է Լ. Զուրաբյանը։

7or.am