Կիևի զորամասերին ենթակա տանկերն ու ինքնագնացները շարժվում են Սլավյանսկի ուղղությամբ։ Սլավյանսկի ղեկավար Վյաչեսլավ Պոնոմարյովը «ԻՏԱՌ–ՏԱՍՍ»–ի թղթակցին հայտնել է, որ ծանր տեխնիկայի առաջխաղացման մասին հաղորդագրություններ են գալիս անդադար, և Դոնբասի ազգային ինքնապաշտպանական ջոկատը պատրաստվում է պաշտպանության։

«Պատրաստվում ենք, հետևում ենք իրավիճակին։ Հաղորդագրություններ են ստացվում տեխնիկայի մասին. ինչ–որ տեղ են շարժվում, ազդում նյարդերին։ Գլխավորը՝ մենք չենք ուզում արյուն թափել. մենք տրամադրված ենք բանակցությունների»,–ընդգծել է Պոնոմարյովը՝ Սլավյանսկի ինքնապաշտպանական ջոկատի հրամանատարը։

Նախօրեի բանակցություններից հետո ինքնահռչակված Դոնեցկի ժողովրդական հանրապետության կողմն են անցել ռազմաօդային դեսանտի 25-րդ ջոկատի մարտիկները, որոնց նույնպես ուղղել են Սլավյանսկ։