Չնայած «Մանչեսթեր Յունայթեդի» գլխավոր մարզչի պաշտոնում Դևիդ Մոյեսի լինել–չլինելու վերաբերյալ մի շարք իրարամերժ հայտարարություններին՝ այսօր վերջինը հեռացավ զբաղեցրած պաշտոնից: Այս մասին տեղեկացնում է անգլիական ակումբի մամուլի ծառայությունը։

«ԻՏԱՌ-ՏԱՍՍ»-ի փոխանցմամբ՝ շոտլանդացի մասնագետը 10 ամիս գլխավորեց Անգլիայի գործող չեմպիոնին, մինչդեռ 6-ամյա պայմանագիր էր կնքել ակումբի հետ։
Նշենք, որ «Մանչեսթեր Յունայթեդը» վերջին 19 տարում առաջին անգամ չի հայտնվում Չեմպիոնների լիգայի գոտում: Այժմ թիմը Անգլիայի Պրեմիեր լիգայի ընթացիկ առաջնությունում զբաղեցնում է 7-րդ հորիզոնականը: