Ապրիլի 28-ին՝ ժամը 15.15-ին, «Օպել» մակնիշի ավտոմեքենան Երևանի Մաշտոցի պողոտայում վրաերթի է ենթարկել 13-ամյա աղջկա և պատճառել մարմնական վնասվածքներ:
Կատարվում է քննություն:

***
Ապրիլի 28-ին՝ ժամը 23.15-ին, Երևանի Նալբանդյան և Մոսկովյան փողոցների խաչմերուկում իրար են բախվել «Ֆոլքսվագեն Տուառեգ» և «Մերսեդես» մակնիշի ավտոմեքենաներ:
«Մերսեդես»-ի վարորդը մարմնական վնասվածքով տեղափոխվել է հիվանդանոց:
Կատարվում է քննություն:

***
Ապրիլի 28-ին՝ ժամը 23.30-ին, «ՎԱԶ-21115» մակնիշի ավտոմեքենայի վարորդը Երևանի Ագաթանգեղոսի փողոցի թիվ 3 հասցեի դիմաց վրաերթի է ենթարկել անձը չպարզված երիտասարդի, որը մարմնական վնասվածքներով վարորդի ուղեկցությամբ տեղափոխվել է հիվանդանոց:
Կատարվում է քննություն:

***
Ապրիլի 28-ին՝ ժամը 11.30-ին, հիվանդանոցից ոստիկանության Մաշտոցի բաժնում հաղորդում է ստացվել, որ մարմնական վնասվածքներով բուժօգնության է դիմել 1970 թ. ծնված Նաիրա Վ.-ն և հայտնել, որ վնասվածքներն ստացել է Երևանի Հալաբյան և Արզումանյան փողոցների խաչմերուկում տեղի ունեցած ճանապարհատրանսպորտային պատահարի հետևանքով:
Կատարվում է քննություն:

***
Ապրիլի 28-ին՝ ժամը 18.00-ի սահմաններում, Ապարանի Բաղրամյան փողոցի թիվ 56 հասցեի դիմաց իրար են բախվել «Մերսեդես» և «Սուբառու» մակնիշի ավտոմեքենաներ:
Նույն օրը, ժամը 21.55-ին, «ձախ թիկնային շրջանի քերծված վերք, ձախ գոտկային շրջանի փափուկ հյուսվածքների սալջարդ» ախտորոշմամբ հիվանդանոց բուժօգնության է դիմել «Սուբառու»-ի 27-ամյա ուղևորը:
Կատարվում է քննություն:

***
Ապրիլի 28-ին՝ ժամը 08.45-ին, 27-ամյա մի երիտասարդ ոստիկանության Բազումի բաժնում հաղորդում է տվել, որ Աղայան փողոցի թիվ 95/10 հասցեի մոտ իր մասնակցությամբ վրաերթ է տեղի ունեցել:
Մեկնած օպերատիվ խմբին ոստիկանություն ահազանգած քաղաքացին հայտնել է, որ նույն օրը, ժամը 08.45-ին, իր վարած «Նիսան Էքստրայլ» մակնիշի ավտոմեքենայով վրաերթի է ենթարկել 46-ամյա տղամարդու և նրան տեղափոխել հիվանդանոց:
Կատարվում է քննություն: